ការស្រាវជ្រាវរកឃើញថា ៩០ភាគរយនៃអ្នកប្រើទូរស័ព្ទឆ្លាវៃ គឺមានជំងឺមួយនេះ

អ្នកប្រើប្រាស់ទូរស័ព្ទឆ្លាតវៃប្រមាណ ៩នាក់ហើយក្នុងចំណោម ១០នាក់គឺមានជំងឺមួយឈ្មោះថា Phantom Vibration Syndrome ដែលមានន័យថា ពួកគេគិតថា ទូរស័ព្ទក្នុងហោប៉ៅពួកគេកំពុងតែញ័រ ប៉ុន្តែគឺគ្មានទេ។
វេជ្ជបណ្ឌិត Robert Rosenberger ទស្សនៈវិទូ និងជាសាស្ត្រាចារ្យរងនៅឯ Georgia Institute of Technology និយាយថា អាការៈបែបនេះបណ្តាលមកពីទម្លាប់របស់រាងកាយដែលធ្លាប់ដឹងពីមុនមកតែម្តង “Learned Bodily Habits”។

ការស្រាវជ្រាវដែលបានចុះផ្សាយក្នុងសារព័ត៌មាន Computer in Human Behaviour បានឱ្យដឹងថា មនុស្សយើងបើសិនជាទុកទូរស័ព្ទដៃក្នុងហៅប៉ៅរហូតដល់ក្លាយទៅជាផ្នែកមួយរបស់រាងកាយ ដែលដូចគ្នានឹងការពាក់វ៉ែនតាដែរនោះ វាពិតជាងាយនឹងធ្វើឱ្យពួកគេភ្លេចថាមានទូរស័ព្ទក្នុងហៅប៉ៅ ឬពាក់វ៉ែនតាណាស់។

សាស្ត្រាចារ្យរូបនេះ និយាយទៀតថា “បន្ទាប់មក ពួកគេនឹងសម្គាល់ដឹងអំពីអារម្មណ៍ផ្សេងៗទៀតដូចជា ចលនារបស់សម្លៀកបំពាក់ពេលសាច់ដុំកន្ត្រាក់រឹងដោយសារតែរំញ័ររបស់ទូរស័ទ្ទ ប៉ុន្តែរឿងនោះគ្រាន់តែជាការស្រមើស្រមៃប៉ុណ្ណោះ។ ការសិក្សាថ្មីមួយទៅបានឱ្យដឹងថា ៩០ភាគរយនៃអ្នករៀនមិនទាន់ចប់មហាវិទ្យាល័យ និយាយថា ពួកគេធ្លាប់មានបញ្ហាជំងឺ Phantom Vibrationនេះឯង”។

វេជ្ជបណ្ឌិត Rosenberger និយាយថា មនុស្សយើងយើងគ្រាន់តែមានភាពតក់ស្លុតដោយសារតែបច្ចេកវិទ្យាខុសៗគ្នាប៉ុណ្ណោះសម្រាប់ប៉ុន្មានថ្ងៃនេះ ហើយបច្ចេកវិទ្យានោះមានដូចជា អ៊ីម៉ែល និងការផ្ញើសារជាអក្សរជាដើម។ ចំពោះរោគសញ្ញារបស់ជំងឺ Phantom Vibration នេះមានដូចជា អ្នកជំងឺទំនងជាចង់លោត និងយល់ថាមានអ្វីមួយក្នុងហៅប៉ៅរបស់ពួកគេ៕

*========= អត្ថបទពាក់ព័ន្ធ ============
​មាន​ផល​អាក្រក់​ខ្លាំង​ដល់​​បរិមាណ​ទឹកកាម​ និងគុណភាព​មេជីវិត បើដាក់ទូរស័ព្ទ​ដៃ​ក្នុងខោឬអាវ

ការសិក្សា​របស់​អ្នកជំនាញ​ផ្នែក​ជីវសាស្ត្រ​រក​ឃើញ​ថា​បុរស​ ៤៧ % ​ដែល​ទុក​ទូរសព័ទ្ធ​ដៃ​ក្នុង​ហៅប៉ៅ​ ខោ​របស់​ខ្លួន​មាន​ផលប៉ះពាល់​ធ្ងន់ធ្ងរ​ដល់​ដំណើរ​ការ​ផលិត​ទឹក​កាម​ ជា​ហេតុ​ធ្វើ​ឲ្យ​បរិមាណ​ទឹក​កាម​ធ្លាក់​ចុះ​យ៉ាងខ្លាំង ។​

ការស្រាវជ្រាវ​ថ្មី​ៗ​បំផុត​របស់​អ្នក​ជំនាញ​ទាំង​នោះ​បង្ហាញ​ថា​ ការ​ទុក​ទូរស័ព្ទ​ដៃ​នៅ​ក្បែរ​ពងស្វាស​ ធ្វើ​ឲ្យ​កម្រិត​ទឹក​កាម​ធ្លាក់​ចុះ​ទាប​ ញ៉ាំង​ឲ្យ​អ្នក​ជំនាញ​ផ្នែក​ជីវសាស្ត្រ​របស់​ចក្រភព​អង់គ្លេស​ ព្រមាន​ដល់​បុរស​ទាំងឡាយ​ឲ្យ​ឈប់​ទុក​ទូរស័ព្ទ​ដៃ​របស់​ខ្លួន​ក្នុង​ហោប៉ៅ​ខោ​តទៅទៀត ។​

ចំណែក​សាស្ត្រាចារ្យ​សាកលវិទ្យាល័យ​ Technion​ ក្នុង​ប្រទេស ​អ៊ីស្រាអែល​ បាន​អះអាង​ទៅ​លើ​ការ​វិភាគ​ ដែល​បង្ហាញ​លទ្ធផល​ថា ​ចំនួន​មេ​ជីវិត​ដែល​រស់​នៅ​ក្នុង​ទឹក​កាម​បុរស ​ព្រមទាំង​គុណភាព​របស់​វា​ ធ្លាក់​ចុះ​យ៉ាង​ខ្លាំង​ បណ្ដាល​មក​ពី​ឥទ្ធិពល​ដ៏​ខ្លាំង​ក្លា​នៃ​​ដែន​អេឡិច​ត្រូម៉េទិច​របស់​ទូរស័ព្ទ​ដៃ។​

សាស្ត្រាចារ្យ​សាកលវិទ្យាល័យ​ជាច្រើន​ដែល​ធ្លាប់​បាន​សិក្សា​ស្រាវជ្រាវ​ទៅលើ​បញ្ហា​នេះ ​បាន​យល់ស្រប​ទៅ​នឹង​ការ​ចុះ​ផ្សាយ​របស់​អ្នកជំនាញ​ផ្នែក​ជីវសាស្ត្រ ​ហើយ​ផ្ដល់អនុសាសន៍​ឲ្យ​បុរស​ប្ដូរ​ទំលាប់​ទុក​ទូរស័ព្ទ​ក្នុង​ហៅប៉ៅ​ខោ ។​

ប្រភពៈ​ telegraph ​