ជាក់ស្ដែង នៅពេលថ្មីៗនេះ តារាចម្រៀងដែលតែងតែធ្វើឱ្យមហាជនចាប់អារម្មណ៍ខ្លាំងតាមរយៈការលេងម៉ូតសម្លៀកបំពាក់ប្លែកៗ ទេព បូព្រឹក្ស បានបង្ហាញរូបភាពជាច្រើនសន្លឹក នៅលើគណនី ហ្វេសប៊ុក របស់ខ្លួន ជាមួយនឹងការស្លៀកពាក់ឈុតពណ៌ខ្មៅ យ៉ាងប្លែកភ្នែកមួយឈុត ដែលធ្វើឲ្យមានការទាក់ទាញមែនទែន។
ឈុតពណ៌ខ្មៅឆែក ដែលបញ្ចេញសាច់គល់ភ្លៅសខ្ចី គួរអោយចាប់អារម្មណ៍នេះ បានទាកទាញអ្នកលេងហ្វេសប៊ុក និងជាពិសេសអ្នកដែលនិយមគាំទ្រកញ្ញា លាន់មាត់គ្រប់គ្នាពីសម្រស់ និង ភាពប៉ិនប្រសព្វរបស់តារាស្រីរូបនេះ ដែលតែងតែមានគំនិតច្នៃប្រឌិត និង រិះរកនូវStyle ប្លែកៗជូនដល់មហាជនទស្សនាជាហូរហែ។
ម្ចាស់បទ Twerk ទេព បូព្រឹក ដែលនិយមលេងស្ទីលប្លែកៗខុសពីតារាស្រីដ៏ទៃនោះ ឥលូវនេះត្រូវបានគ្រប់គ្នាមើលសឹងតែច្រឡំគ្នាជាមួយតារាកូរ៉េ CL ទៅហើយ។ ការតុបតែងខ្លួនរបស់ បូព្រឹក ត្រូវបានអ្នកខ្លះរិះគន់ថាចម្លងពី CL តែកន្លងមកម្ចាស់បទ មិនជឿថាបងមិនស្រលាញ់អូន រូបនេះក៏បានថ្លែងប្រាប់ថា នាងទទួលស្គាល់ថាពិតជាយកស្ទីលតាម CL មែន ព្រោះគេជា Idol របស់ខ្លួន។
ចង់ដឹងថា ថ្មីៗនេះ ទេព បូព្រឹក កាន់តែដូច CL យ៉ាងណា? តោះទស្សនា រូបភាពជាមួយកញ្ញាទាំងអស់គ្នា!
