ជាការពិតណាស់មនុស្សប្រុសគ្រប់គ្នា តែងចង់ធ្វើឲ្យមនុស្សស្រី ដែលត្រូវជាគូអនាគតភរិយារបស់ពួកគេ រស់នៅប្រកបដោយការសប្បាយចិត្ត និងរស់នៅជាមួយគ្នាដោយភាពរីករាយ តែទោះបីជាយ៉ាងនេះក្ដី ការឈ្លោះប្រកែកគ្នានៅតែមានវត្តមានម្ដងម្កាល ដែលជួនកាលបណ្ដាលមកពីការភ័ន្តច្រឡំ និងមិនយល់ចិត្តគ្នា។
សូមលើកយករឿង៦យ៉ាង ដែលមនុស្សប្រុសធ្វើការរំពឹងពីអនាគតភរិយារបស់ខ្លួន ហើយនៅពេលបានដឹងរួចហើយ វាប្រហែលជាជួយកាត់បន្ថយការឈ្លោះប្រកែកគ្នា រវាងមនុស្សដែលយើងស្រលាញ់ ហើយជាពិសេសការរករឿងមនុស្សប្រុស ដោយសុភាពនារីបានខ្លះៗទៀតផង! ដូច្នេះសូមបន្តអានមកខាងក្រោមនេះ ដើម្បីឲ្យបានជ្រាបទាំងអស់គ្នា។
១. ការយល់ចិត្ត (Understand) ជាការពិតណាស់ មនុស្សប្រុសត្រូវការការយល់ចិត្តពីនារីដែលខ្លួនស្រលាញ់ ជាពិសេសពួកគេចង់ឲ្យអនាគតភរិយារបស់ពួកគេ ជួយលើកទឹកចិត្តនៅពេលពួកគេជួបការលំបាក មិនមែនស្ដីបន្ទោសនៅពេលពួកគេបង្កកំហុស ឬទទួលការបរាជ័យនោះទេ។ហើយវាកាន់តែល្អថែមទៀត ប្រសិនបើអនាគតភរិយារបស់ពួកគេ អាចយល់ពីទម្លាប់ និងចំណង់ចំណូលចិត្តក្នុងការកម្សាន្តរបស់ពួកគេ។
២. កុំប្រើអារម្មណ៍មនោសញ្ចេតនាខ្លាំងពេក (Less drama) វាមិនអីនោះទេចំពោះការឈ្លោះប្រកែកជាមួយស្វាមីរបស់អ្នក ទៅលើរឿងអត់ប្រយោជន៍នៅពេលដែលគ្មានអ្នកណាខ្វល់ពីអ្នកនោះ តែទោះបីជាយ៉ាងនេះក្ដី បុរសៗគ្រប់គ្នាចង់ឲ្យអនាគតភរិយារបស់ពួកគេ ជៀសវាងការប្រើអារម្មណ៍ខ្លាំងពេក ហើយយល់ល្អគួរដោះស្រាយបញ្ហារួមគ្នាដោយសន្តិវិធី។
៣. ត្រូវចេះស្មោះត្រង់រវាងគ្នានឹងគ្នា (Honest) មនុស្សយើងគ្រប់គ្នាតែងចង់លឺពាក្យសម្ដីពិត ប៉ុន្តែយ៉ាងណាក៏ដោយក៏យើងមិនអាចស្មោះត្រង់បានគ្រប់ពេលទាំងអស់ដែរ ហើយបើយករឿងនេះនិយាយបញ្ចូលទៅក្នុងរឿងរៀបអាពាហ៍ពិពាហ៍វិញ គូស្នេហ៍ទាំងពីរគួរមានភាពស្មោះត្រង់រវាងគ្នានឹងគ្នា ហើយត្រូវនិយាយការពិតប្រាប់គ្នាទៅវិញទៅមក ទោះបីជារឿងនោះធ្វើឲ្យប៉ះពាល់ដល់ផ្លូវអារម្មណ៍ក៏ដោយ។គួរចងចាំផងដែរថា នៅខណៈដែលមនុស្សស្រីអាចអត់ទ្រាំនឹងការកុហក និងលើកលែងទោសដល់លោកឪពុក អ្នកម្ដាយរបស់ពួកគេបាន សម្រាប់មនុស្សប្រុសវិញ ពួកគេពិតជាពិបាកទទួលយកណាស់ គ្រប់ការកុហកទាំងឡាយ។
៤. ចេះធ្វើម្ហូប (Homemade Dinner)
ស្ត្រីមួយចំនួនក្នុងសម័យដ៏ទំនើបនេះ បានចំណាយពេលវេលាតិចតួចប៉ុណ្ណោះនៅក្នុងផ្ទះបាយ ហើយបែរជាចំណាយពេលជាច្រើននៅមុខកញ្ចក់អេក្រង់ទៅវិញ (ទូរទស្សន៍, រោងកុន...)។ ការចម្អិនអាហារជាការងារដ៏នឿយហត់ និងចំណាយពេលមួយ ប៉ុន្តែគ្រប់ភរិយាល្អគ្រប់រូបគួរដឹងពីវិធីដាំស្លធ្វើម្ហូបឆ្ងាញ់ៗ ដោយខ្លួនឯង។
ម្ហូបអាហារទាំងនោះមិនចាំបាច់ទាល់តែអស្ចារ្យ ឬរញ៉េរញ៉ៃនោះទេ គឺគ្រាន់តែត្រូវធ្វើយ៉ាងណាឲ្យម្ហូបទាំងនោះ ញ៉ាំទៅមានសុខភាពល្អ និងធ្វើឲ្យចេញពីចិត្តទៅគឺបានហើយ។ ត្រូវចងចាំថាម្ហូបអាហារដែលធ្វើហើយស្រាប់ៗ គឺពិតជាល្អណាស់សម្រាប់មនុស្សស្រី ប៉ុន្តែគួរឲ្យស្អប់ទៅវិញសម្រាប់មនុស្សប្រុស។
៥. ពូកែស្ដាប់ហេតុផល (Good Listening Skills) មនុស្សប្រុសពូកែស្ដាប់ហេតុផលជាងមនុស្សស្រី ហេតុអ្វី? ព្រោះពួកគេដឹងច្បាស់ថា ប្រសិនបើពួកគេមិនពូកែស្ដាប់ ការត្អូញត្អែរដ៏ឥតប្រយោជន៍ផ្សេងៗរបស់មនុស្សស្រីទេនោះ ពួកគេនឹងធ្វើឲ្យនារីៗទាំងនោះមានអារម្មណ៍តូចចិត្ត និងឈប់និយាយរកពួកគេមួយសប្ដាហ៍លេងធ្វើមិនដឹង។ តែយ៉ាងណាមិញ វាពិតជាសំខាន់ណាស់ សម្រាប់គូស្នេហ៍ទាំងពីរ មិនថាប្រុសឬស្រី គឺត្រូវចេះស្ដាប់ហេតុផលគ្នាទៅវិញទៅមក។
៦. ចេះគ្រប់គ្រង និងរៀបចំផ្ទះ (Homely House) មនុស្សប្រុសគ្រប់គ្នាចូលចិត្តណាស់ នៅពេលត្រលប់មកផ្ទះវិញដោយមានអារម្មណ៍កក់ក្ដៅ និងមានផាសុកភាព ដែលនេះវាជួយឲ្យពួកគេមានអារម្មណ៍ល្អ ក្រោយពេលធ្វើការនឿយហត់ពេញមួយថ្ងៃ។ លើសពីនេះទៀតពួកគេចង់រស់នៅក្នុងផ្ទះ ដែលត្រូវបានសម្អាតស្អាតបាត ទោះបីជារាងរញ៉េរញ៉ៃបន្តិចក៏ដោយ។
ម៉េចដែរសុភាពនារី ទទួលយកបានអត់ប៉ុណ្ណឹង? ច្រើនពេកអត់?
No comments:
Post a Comment